ඇද වැටුනා වැස්ස වැස්ස අද වහිනව වැස්ස වැස්ස
එහෙ බැලූවත් වැස්ස වැස්ස මෙහෙ බැලූවත් වැස්ස වැස්ස
අහසින් බට වැස්ස වැස්ස පාර පුරා වැස්ස වැස්ස
වීදි දිගේ වැස්ස වැස්ස මගදිගටම වැස්ස වැස්ස
කුඩ තිබුණත් වැස්ස වැස්ස කුඩ නැතුවත් වැස්ස වැස්ස
හිත කළඹන වැස්ස වැස්ස තෙමෙන්න යස වැස්ස වැස්ස
මහවැස්සක තෙමී නැටුවෙ පුංචිම කාලේ
මෙච්චර කල් මොකද කලේ මතකත් නෑනේ
ගැටෙන වලා කොටන විදුලි ගොරව ගොරව හතර අතේ
අඳුරු වෙලා පුපුර පුපුර වැහැල වැහැල ඉවර නැතේ
ඇතුලට වී ගුලි ගැහුනම ගතියක් නෑනේ
අද නම් මහ වැස්සේ අපි නටනව ආයේ
එගොඩගොඩෙත් වැස්ස වැස්ස මෙගොඩ ගොඩෙත් වැස්ස වැස්ස
ගේ අවටත් වැස්ස වැස්ස ගලන ගලන වැස්ස වැස්ස
පිටාර යන වැස්ස වැස්ස තදහීතල වැස්ස වැස්ස
හුළං බමන වැස්ස වැස්ස හිරිගඩු පිපි වැස්ස වැස්ස
වහල දිගේ වැස්ස වැස්ස පහල වෙලේ වැස්ස වැස්ස
හිත පුරවන වැස්ස වැස්ස ලොව සනසන වැස්ස වැස්ස
මේ වැස්සට නොතෙමී හිඳ මොකටද ආයේ
හිත්පොජ්ජට හීන ගෙනෙයි හිරිපොද හීතේ
සුරන් මතින් පුරන බඳුන් බිඳිල බිඳිල බිමට හැලේ
ඉතින් නටමු තෙමිල තෙමිල වැහැල වැහැල බමන මතේ
කඳුලූත් නෑ මැකිල ගියා රහසින් වාගේ
සිතමත්වී ලොව නැලවේ විමනක් වාගේ
තකතකතක තකතකතක වැස්ස වැස්ස චටපටචට චටපටචට වැස්ස වැස්ස
චිරිචිරිචිරි චිරිචිරිචිරි වැස්ස වැස්ස සිරිසිරිසිරි සිරිසිරිසිරි වැස්ස වැස්ස
