මේ කුලූ වරල සලා පුනාවසින් උපන් ලියේ
දෝතලූ වනයෙ අතලෙ පැන් ඉස ඉස සිටිය ලියේ
මා මැව්වේ නුඹව ජෙග් ජෙග ජෙග සිහින අනා
පන පිම්බා අනඟ තද් දොමිකිට සරය මුදා
සුවිමාලී සුංසුමාරගිරේ පුන්කුසුමී
සුකුමාලී වම්ස හේලිහෙලේ මන්මදොරී
සුරඹ ලෙසේ සේලෙ මුදා අහසෙ සරන්නෙදෝ
පිණිපොද වැටෙන විටදි දේදුන්නෙන් බසින්නෙදෝ
මා බැන්දූ නුඹේ පා නූපුර හඬන යසේ
ඉසිමනුදූ රැඳෙන් මද්දල් හඬ ඇසෙන දුරේ
ගර්ගාරී මංගලාවි මලී කුල්පහනී
අසුරාණී අංගනාවි සුමී සල්සපුනී
ආලයේ නුරා රහස් මුමුණා පුබුදා රඟන්නෙදෝ
රන්මිණිමුතු කාශ්‍යපුරෙන් කාලිංගෙන් ගෙනෙන්නදෝ
මා අඳුරේ ගයා වයා රතී වෙණ තත බිඳින්නදෝ
ආවෝතින් මියුලැසියේ මල් රොණවුල් එලන්නදෝ
මහරාණී අල්ලිරාණි රකී සක් ලිහිණී
බනුසාලී බදුරුකාලි සුවීපුල් සොබනී
ගර්ගාරී මංගලාවි මලී කුල්පහනී
අසුරාණී අංගනාවි සුමී සල්සපුනී
සුවිමාලී සුංසුමාරගිරේ පුන්කුසුමී
සුකුමාලී වම්ස හේලිහෙලේ මන්මදොරී
